2001年 7月 台北之行
第一日
晨咁早起身去到機場, 跟著上機, 不過飛機度好悶, 好在有靚既空中姐姐睇下, 重有個唔錯既小食!!一粒鐘之後就踏足台北中正機場, (航空公司係日本亞細亞 Japan Asia Airline, 因為我死都唔搭華航, 太廢也), 落機之後我地就係機場度換左d台幣, 匯率 係 1對4.3, 搞掂d野, 就梗係番酒店啦, 之前係人地 d homepage 度睇到,有巴士去到台 北市中心, 叫台汽,但係去到就搵唔到,不過唔緊要,重有好多其他選擇,我地就用唔鹹唔 淡既國語,買左張大有巴士既車飛, 目的地係台北車站, 盛惠 NT110,個司機超勁, 一路食 麵一路渣車, 轉彎就渣住個軑, 直路就law碗麵黎食(頂佢丫!!!), 都上左車, 死就死啦, 敖 左一粒鐘, 就到左台北車站對面落車, 落車四圍一望, 嘩, 條路好闊, 好多車, d車重相當 之兇狠, 急急腳過左條馬路, 望住本去之前覺得好清楚既地圖,出發去搵我地預先book 既城美大飯店一路行一路行…..行左成半個鐘有多, 都搵唔到,本死野明 明係寫係呢度 附近ga ma, 再撞多一陣, 先望到個招牌, 完來我地之前圍住酒店周圍兜左好多個圈, 就 係見唔到 間酒店 ><, 咁就打響左我地既盪失路之旅既頭炮. 入左酒店, check左in, 就去 睇下間房, 以咁既價錢, 間房 算唔錯, 係個門面up dup 左dd.
擺低d行李, 都成點鐘, 梗係去搵食啦, 行左冇耐, 見到間好似幾high class既物體 (叫檻欖樹, 後尾先發覺原來差唔多周街都係), 食o左兩個義大利粉(佢地叫義大利麵), 味道唔錯, 只過都係NT340, 即係港幣80蚊,呢D 咁O既野向香港食, 起碼舊幾水, 抵呀! 飽暖就思書局, 咁我地就出發去搵誠品書店,我地先搭捷運(即係香港o既地鐵), 之後 中間盪失幾多路唔講, 總之有血有淚, 可歌可泣, 熱到抽筋, 十個迷失. 入到黎誠品, 第一個Feel, 好似Page One, 即係好似將香港既page one入面d 英文野換晒做中文, 就 係誠品! 樣可以差唔多, 但規模就差好遠, 誠品大好多, 唔止賣書, 重有好多生活精 品(Page One 再加個Loft), 好多人都係坐地下睇書, 入鄉隨族, 我地就坐左睇左一陣, 香港都有得咁就好law………..
咁樣碌o下碌o下, 就碌左去西門叮, 見到d小食檔, 就膽粗粗去試左個燒豬肉夾蔥 (原名唔記得叫乜), 幾好食, 唔熱氣個下好野, 又幾野味. 本都想試o下個”阿宗線麵”不 過見佢個勢好似香港o既碗仔翅, 就無食到la 好野梗係唔好俾佢停, 再接著就食左個奶 冰同朱古力豆花, (台灣人唔係好興食雪糕),奶冰配紅豆, 杏仁, 涼粉. 朱古力豆花,係真 係朱古力做既豆花, 唔係香港個d豆花面淋d 朱古力醬……呢兩樣野呢味道唔係雪糕可 以俾到你. 點講呢~向三十幾度o既高溫之下, 又清甜,又夠凍, 又唔”漏”,簡直係正死呀. 食完野就去萬年行左一陣….仲有o向西門町附近d 街同商場度打o左幾個圈….唔……. 冇乜野賣, d野香港都有……打左個轉 就閃左……番酒店途中, 見到間餅鋪, 買左個芝士 飽做宵夜, 唔~飽飽, 飽暖思床褥, zzzzzzzzzzzzz
第二日
一朝起身搵早餐, 四圍滕 , 因為我個人比較煩既關係 (死都唔想食麵包), 係幾條 街入面行來行來, 最後都係屈服, 去左 Latte Cafe, 係台灣一日, 就見到唔少呢類cafe, 係間 cafe 上面望落去, 應該係番工既時間(成九點幾十點), 但係街上依然唔多人,台北 人真係生活得幾悠閒, 食左個早餐, 杯coffee唔錯, 台灣d野食真有一手. 重有, 佢地d cafe 會將吸煙區同非吸煙區用玻璃分開, 真係好重質. 呀………食完野記得擺番d餐具 去”回收區”, 呢d係台灣人既習慣, 好有手尾!
去得台北, 梗係唔少得去下中正紀念堂… 去既方法當然都係搭捷運la, 就向中正 紀念堂站落車, 行過一個公園就到la ….. 呢個紀念堂係紀念蔣介石, 入面有好多佢既野, 包括佢既車, 勳章, 衣物,相片等 , 幾值得一去….. 跟住我地就順條路, 搭捷運去左光華 電腦中心.. 入面講真就都幾殘… 仲舊過黃金, 個架步都同黃金差唔多… 不過向下層就 有好多舊書賣, 無論漫畫, 日劇等.. 都好平, 重有幾多齋賣CD-R 既鋪頭 @@… 要掃貨 既話,呢度簡直係天堂, 但係我地就無咩目標.. 於是就向我地o既下一站—– 士林出發…. 當然, 向咁高既溫度底下, 我地又走左去買周街都係既冰凍泡沫綠茶, 話時話,黎o左日 半… 都買左差唔多成5杯, 因為實在太平la … NT15-25 就有大大杯.
好… 去到士林, 我地o既目的地先係台北o既天文科學館, 裡面有3 層, 都幾多野 睇, 好玩過香港o既太空館…. 我地兩個大細路o向科學館入面玩o左成2個鐘之後, 先記 得… 原來我地未食飯, 於是就行番去捷運站附近搵野食la … 見到有間叫nova o既cafe , 咁就諗住走入去試, 點知….d野麻麻地, 我地食左少少野就走左, 之後見到附近有間賣奶 霜(冰)…. 咪又走入去試..食過番尋味ar ma .. 我地叫o左一杯紅豆味o既…. good … .玩 左咁耐, 都成4 點幾., 我地o向捷運站附近行左一陣, 就正式我地o既重頭戲!!!! 士林夜市 ~
去到士林夜市o個幾條街, 只係下晝5點到, 條街就已經好似廟街咁多人, 不過d 檔 就仲未開, 咁我地兩個茂利就周圍行下, 但係真係同旺角差唔多, 而且又熱又累(第一日 狂蕩失路隻腳都未抖完), 所以都係搵間野歇歇腳(去o左周街都係o既吉野家), 等d 街檔 開。終於等到6:30, 出到去, 真係同求先兩個世界, 所有o既檔都已經開o左, 我地一見 o既有賣煎粉餅, 有青蛙下蛋(一杯有黑色一粒粒o既飲品), 愛玉冰(有d 似淡黃o者喱), 香 腸, 豬血膏等, 仲有好多菜肉飽, 煎餃….. 入到去, wa .. 仲多, 有燒鰻魚, 有冰糖葫蘆, 有 好多串燒野食,仲有好多鹵味。 咁梗係樣樣試d la, 最後入o 左去一個熟食檔度, 好熱.. 好似我地俾人蒸多過d 野食.
第三日
起身次後就食左尋晚未食既涼麵做早餐, wa ! 正.. 有o向舖頭o既水準(原來台北o 既7 仔d 野食都好正! (唔知香港o既肉醬意粉贏 定係佢呢? hoho), check out 之後, 我地 就係酒店附近既書局街逛左一陣……行過間商務, 哇~以為入番左大陸…….d 書…..太有 內涵..唔岩我……裝修…….好似跌打醫館……@@, 之後又行過其他書局, 都幾多書賣, 個style同香港o既二樓書店差唔多, 當然, 書就梗係多好多。
到12點幾, 又係食飯o既時候la , 我地諗住臨別秋波, 實行擦餐勁o既, 行o左陣無 咩心水, 見到有間餐廳有芝士火鍋食, 又好抵wor (比起香港), 於是我地咪膽粗粗走入 去lor , 間餐廳o既裝修真係唔錯, 落左d心思, 而d waiter 都好nice, 唔知係咪無咩人o既 關係, 個waitress 姐姐知道我地o向香港黎之後好好人咁同我地傾計…. 就係咁就食左 一個好愉快o既午餐。都係時候同台灣講拜拜la , 因為我地搭6:10 機, 要o向5:00 到去 到機場, 而距離台北又有成個鐘車程, 所以我地o向附近兜左陣, 就去台北車站對面搭 機場巴士, 準備回程lu。
後記:
台北真係一個唔錯o既地方, 如果想移民, 去o個度住都幾好, 無文化隔膜, d日用品, 野食又比香港平~.. d人亦好似無咁趕, 無咁忙碌..真係幾舒服, 又多書局, 真係幾岩 俾我充下電… 旅行去個邊駛港幣亦幾爽~ 不過係d 交通混亂d, 不過慣o左都無咩la…
最後, 我發現左點解林心如會係台灣紅得起既原因………@@…….重有, 如果係台灣聽到人講 “很屌”, 即係好掂咁解, 唔係粗口呀~ 我以後 會多d讚下人 – 你很屌!
